Google Chrome
Version 23.0.1271.64 m
بسم الله الرحمن الرحيم
اللهم علمنا ما ينفعنا وإنفعنا بما علمتنا
بعد الحصول على المركز الأول فى ترتيب المتصفحات لسنة 2012 نقدر نقول ان جوجل بمتصفحها كروم حققت نجاح فى الحصول على حصه كبيرة من سوق المتصفحات خصوصا مع الدعم الهائل من فريق عمل قوى جدا مع خدمات كتيره جدا بتقدمها جوجل لا تعمل بكامل كفائتها وكامل توافقها مع المتصفحات الأخرى.
دلوقتى الموضوع مبقاش مقتصر على متصفح يستعرض مواقع الويب بالـ HTML والفلاش زى الاول فى العادى المتصفح بقى عباره عن منصه لتشغيل تطبيقات ويب ما بين جهازك وما بين السيرفر "يعنى ايه الكلام دا :)"
يعنى حضرتك بدل متسطب التطبيق عندك على جهازك وتشتغل بيه التطبيق متسطب على السيرفر وانتا بتدخل عليه من اى متصفح وطبعا أشهر مثال على الكلام دا الفيس بوك وغيرو من المواقع زى تويتر ويوتيوب وصفحه جوجل نفسها عباره عن تطبيق دا طبعا غير الألعاب الاونلاين الى بعضها مبقاش يعتمد على تقنيه الفلاش وأتجه لـ HTML5 دا غير طلب الدعم للغات تطوير ويب كتيره زى Php-ASP-Pearl وغيرها كتير.
ما يميز جوجل كروم دعمه للتعامل مع لغات البرمجه الخاصه بتطبيقات الويب الى اتكلمنا عنها بالإضافه إلى أنه مفتوح المصدر زى الفايرفوكس الى يحترم بردو وليه عشاقه ومعجبينه ولكن تفوق كروم جاء أيضا من خلال الإضافات ودى بقى عالم جديد من التطبيقات والالعاب لعدد لا نهائى وبإذن الله هيبقى فى موضوع خاص بالإضافات من ناحيه التصنيف والأعلى تحميل من متجر جوجل كروم.
ميزه مهمه جدا فى جوجل كروم هيا أنك تقدر تحتفظ بتطبيقاتك وألعابك وسجل دخولك على النت والصفحات المفضله ونتائج بحثك وفيديوهاتك على اليوتيوب وكل الى يخصك وتقدر تفتحو من اى مكان مش شرط جهازك الشخصى ودا من خلال حسابك على جوجل وهنبقى نشرح بإذن الله طريقه عمل حساب على جوجل وربطه بمتصفح كروم.
طبعا فى ناس بتشتغل بالفايرفوكس وأنترنت أكسبلورر وبعض المتصفحات الأخرى زى أوبرا وسفارى بس أعتقد أن كروم يستحق التجربة لأنه فعلا متصفح سريع وقوى وموضوع الإضافات دا نقله كبيره خصوصا ان اللإضافات دى مجانيه ومفتوحه المصدر للمطورين.
كتير من الناس عندها مشكله مع كروم لانه مش بيتسطب من الجهاز على طول لما بتيجى تحمله من على جوجل بينزل ملف إعداد للتحميل والتسطيب يعنى بيتسطب من على النت ودا علشان الموقع يضمن أنك مسطب أحدث إصدار بس المشكله الى بتواجه ناس كتير وقت التسطيب الكتير خصوصا مع سرعات النت البطيئه وعلشان جوجل تحل المشكله عملت نسخه اوفلاين "standalone" يعنى تتسطب من غير وجود نت اصلا ودى نسختنا.
عباره عن سورس جوجل كروم كامل أحدث إصدار وجواه فلاش بلاير يعنى مش محتاج تسطبو و تقدر تسطب النسخه دى من جهازك مباشرة من غير إتصال ودا هيوفر فى وقت التسطيب وكمان هنتفادى اى خطأ ممكن يحصل اثناء التحميل خصوصا مع سرعات التحميل البطيئه .
رابط مباشر على ميديا فاير
أنصح بالتحميل والتجربه ومتأكد ان الى هيجرب كروم هيستغنى عن أى متصفح تانى وبإذن الله هيكون لكروم مواضيع خاصه بيه وشروحات واى تحديث وأخبار.
أتمنى التدوينه تعجبكوا والى تعجبو ميبخلش بالشير :)
والسلام عليكم ورحمه الله وبركاتة
